قصيدة غزل من رجل لزوجته بمناسبة حاااااااافز

[| أبو هيثم| |]

انا : أبو هيثم

تكفين يا بنت الأجاويد تكفين=نبي سلف وإلا نبيها معونة
اما عطين الألف والا الألفين=مادام حافز قاموا يوزعونه
وأنا ترى أستاهل ولاني معك شين=ومعروفي الأول ترى تذكرونه
اما شرينا به شياه وبعارين=وإلا به المديون خلص ديونه
ردي علي بالخبر وش تقولين=عسى أبو عيالك ما تخيب ظنونه

الــــــــــــــــــــــــرد

توك بديت تميز الزين والشين=يوم ان حافز قاموا يوزعونه
أول تمن علي عشره وعشرين=ولسانك يلعلع علي بمهونه
ما من سلف عندي وما من بعارين=وما من شياه وما اعرف المعونه
أبي أروح السوق أشري فساتين=واشري جزم واشناط من نفس لونه
وابشتري مكياج وساعة وعطرين=وابشتري اي فون زي اي فونه
ويا بو عيالي لو كثر عندك الدين=ترى الرجال لازم يسدد بنفسه ديونه

[الهادي....]

هذه ما فيها جمالة لكن حريمنا إنشاء الله ما يقصرون

[الهاشمي....]

لا انت بمحتاج ولا حتى مسكين*****ابعد من طريقي لا اسويك تونة
هذي الدراهم ما تكفيني يومين*****

هذا جهدي...تكفون كملوها..!!!

[الشاب المشكاعي....]

تذكر يوم طلبتك أبغى سونة
حينها قلت لا جات الألفين
ويوم جت تقول أعطيني مونة

هذه تكملة للهاشمي ،واعذروني على التقصير .

[افلاطون....]

لا انت محتاج ولا حتى مسكين*****ابعد من طريقي لا اسويك تونة
*
*
أرجوك طلقني يابو الوراعين*****مستغنية بحافز عسى يثبّتونه
خليني أتحرر واروح للصين****واسافر المكسيك واكشف فنونه
وأشتري موتر وموديل ألفين****واسوقه بكيفي وأدق طبلونه.

ماشاء الله طلعت مواهب صحت ألسنتكم جميعاً ,...

[| أبو هيثم| |]

الله يعطيكم العافية. ماقصرتم.

لكن لماذا تكلمتم على لسانها فقط ؟ وكأن لسان حالكم يقول هذا هو الواقع فقط . أم هو شعر نابع من تجربة حافز؟

[الهادي....]

تكملة جميلة من أبو حور

[{الشامخ}....]

يعطيكم العافية جميعاً...وأعجبني تكملة أبوحور جداً جداً

[الهاشمي....]

بعض الشعراء ما يتكلمون إلا بصعوبة.............وأبو حور أحدهم..!!