مطلوب مندوب مبيعات لديه الإمكانيات التاليه:

انا :

يا بو الشباب ابشر ترى الحظ ناداك =جاك الفرج عقب النكد و القرادة.
نهدي وظايفنا لمثلك وشرواك =خل الغريب اليوم ينفع بلاده
للسعودة مردود ما ظنه اخطاك =هذي الوظيفة شف لها من حصاده
بكره يجيك السعد تتحقق مناك =تلقى على بالك من الغيد غاده
تمسي قرير العين واصبح محياك =شكله يبشر بالسعد والسعاده
وأما الشروط اسمع ترى علمنا جاك =شد الحزام وخل عندك إراده
لازم فرنسي لجل لوجاك شيراك=تعرف علومه ويش يبغى مراده
ثم إنجليزي يمكن إن بوش يلقاك =تلقى المدايح ما يجيك انتقاده
وأربع سنين ويوم خبره وأنافداك =بالتيم ما نقبل نقص أوزياده
تاريخها من قبل تطلع لدنياك =من بطن أمك خل عنك اللكاده
والطول لازم حفظك الله وابقاك =ياجي ثلاثه أمتار واسمك حماده
حظرشهاداتك وتقدير مقراك =واحظر تباليغ الوفاه والولاده
هذي بنود العقد بالكاد تعناك =وقع بنود العقد وابصم زياده
وإما الرويتب زادك الله واعطاك =مبلغ ثلاثميه تفيدك إفاده
عجل بتوفير الطلب قبل مبداك=من شان يعرض عند راعي السعاده
لوجيت يالغالي ترى صرت مولاك =والله لأربط حول نحرك قلاده
وإن شيت يابن الناس عطنا مقفاك =عود لأهلك وهب لراسك وساده

[| أبو هيثم| |]

للجادين في البحث عن العمل , سابقوا بتحضير شهاداتكم فالعدد محدود , وحافز ترون مدته سنه.


ومن هنا أوجه تحياتي لشاعرنا الكبير . وأشكر أبو بكر على النقل

[الهادي....]

من هو القائل

[أبوحيدر....]

القائل يا الهادي واضح من القسم الذي نشرت فيه
أشكرك ابوبكر على نقل هذه الرائعة
وصح الله لسان الشاعر فقد عبر عن معاناة الشباب بأسلوب رائع

[طالب الخير....]

قصيدة جميلة جداً وأشكرك على اختيار القسم الأقرب

[افلاطون....]

صح لسان الشاعر وحفظه الله.
وأشكر أبو بكر على طرح هذه القصيدة.
وهي فعلاً تعبر عن واقع.
وأرى أن تنقل إلى قسم الشاعر الآخر لإن مسمى هذا القسم لا يشمل أو خاص باللهجة الفيفية...

[جاري البحث(•'.'•)]

صح لسان الشاعر ويعطيك العافية يا ابو بكر ع النقل

الله يعافيكم جمياً ...

[{الشامخ}....]

صح لسان الشاعر وحفظه الله وبارك فيه..أشكرك يا ابو بكر على النقل ويعطيك العافية...صراحة أول مره اسمع بهذه القصيدة..